17 наурыз күні Федоров аудандық орталық кітапханасының кітапханашылары Леонид Беданың дүниеге келгендігінің 105 жылдығына орай Федоров арнаулы әлеуметтік қызмет көрсету орталығында тұратындар үшін ерлік шежіресін өткізді. Тыңдармандар көрнекті ұшқыштың өмірбаяны, оның әуедегі ұрыс тактикасы және тарихта қалған бірегей маневрлерімен танысты. Іс-шара КСРО-ның екі мәрте Батырының ерліктері мен оның тұлғасының маңызы туралы бейнероликтермен сүйемелденді.
